105.
Птоломей
(03.12.2004 20:21)
0  
Данными исповеданиями веры в десяти статьях обменялись поповцы и безпоповцы собравшиеся в Москве в 1731 году 12 мая.
Исповедание о вере, предложенное от согласия имущих попов:
1. Соборная и апостольская церковь до конца имать нерушима пребыти, и преданный в ней от самого Спасителя нашего священный чин также имать пребывати до пришествия Его неизменно.
2. Такожде и законный брак до конца пребудет.
3. Простолюдин простолюдина не может вязати и решити.
4. От еретиков обращающихся в православную христианскую веру кроме иерейскаго чина никтоже примирити может, сиречь простолюдин не может крестити.
5. Означенная в Номоканоне старчая исповедь ко оным лицам, иже приемлют от святого Евангелия в сыновство и послушание: точию ко оным служебствует, а не всякаго человека.
6. Тело и Кровь Христовы имут пребывати дондеже Господь приидет.
7. Пред пришествием антихриста приидут оба пророка, Энох и Илия, и Иоанн Богослов с ними, на обличение онаго лжехриста, якоже и прежде быша — во плоти.
8. О антихристе сице разумеем, по проповеди пророк, и Евангелия, и святых апостол, и святых отец: тайна его еще во время святых апостол начаша действоватися в мире, и, егда исполнится время, явитися ему во образе видимаго человека.
9. А о летех царства его сице разумеем: аще и отдревле начася злоба его, но в последнее время явлевно полчетверта лета царствати будет; а в которой тысяще, или веке, того Божественное Писание явственне не означает.
10. От никониан обращающихся приемлем под божественный мvр.
Исповедание о вере, предложенное от согласия неприемлющих попов:
1. Соборная апостольская церковь имать пребывати до скончания века. Но есть писано: церковь – не стены и покров, но вера и житие. А священство исповедуем вечно, но обаче где обретается – мы в судьбах Божиих полагаем. А от еретик хиротонисанных, якоже и крещенных, не приемлем, - от латин, такожде и от никониан.
2. А браки, аще от православных иереев венчаны, оные приемлем; а впредь где явятся таковые браки – сущие православные вменяем. А пришедших из неверия в православие, по святом крещении, по чину уставному приемлем. А впредь брак будет ли, или ни, того не определяем. А от еретик опасение имеем.
3. Аще случится кому при смертном часе по нужде ныне, в последнее время, поискати покаяния, или исповедания, своим согрешениям, извествуем от Божественнаго Писания: может искусну мужу, духовну иноку, исповедати, и прощение получити, или простолюдину по нужде.
4. От еретик обращающихся к православной христианской вере, яко еллины, приемлем. Извествуем, яко и древле простыми человеки в таинстве святаго крещения Дух Святый действовал, и церковь Божия приемлет.
5. Означенная старча исповедь, яже в Номоканоне, прията: а оная исповедь, в Номоканоне не описано, по Потребнику, или просто.
6. По богословским числам, по исполнении лет 666, жрение и жертва возмется, Тело и Кровь Христовы в днех онех не имать явитися: тако исповедуем; а где обрящется по тайному образу, тако и веруем.
7. О Илии и Эносе. Даниилу убо рекшу, рече: седмицы единыя поставлю завет мой: седмь лет показа; в пол же седмицы проповедати пророком; и в пол-седмицы, сиречь в трех и пол царствует антихрист на земли. Разумеваем же от Боговдохновеннаго Писания и при кончине хотящих приити святых обличити лжехриста – крепкое и могущественное душа представление или предстательство, и тогда обличат войницы Небеснаго Царя, сиречь вернии; а чувственно в судьбах Божиих висит.
8. Мы убо ныне, в последнее время, по числу прешедшему, еже есть 666, антихриста в мире чувственно, и действо его, по святых отец Писанию, поведаем; а впредь разумеваем разве чрез сосуды злобные останки содеет.
9. О летех царствия антихристова, еже есть полчетверта лета при последнем времени царствовати ему, мы того чувственно не разумеваем, но якоже святии полагают, таинственно разумеем; аще где в Писании обрящется полчетверта лета, чувственно сбывшия по Писанию, мы того не пременяем, понеже како по Писанию положено, тако и приемлем.
10. Никониан с латины и прочими, подобными им древними, обретающимися ересьми вменяем.
Посем: о истинной, соборной, апостольской церкви разумеваем – не о стенах видимых, стоящих, но о догматах правых. Не отметаем же и видимыя стены, по узаконенному от Бога, но аще право в них служение будет, и оныя любезно приемлем.
|
